自行車環台水晶記念座

今天收到 自行車新文化基金會 的 水晶記念座 了。
http://www.cycling-lifestyle.org.tw/Certify/article_content.php?articleid=63

自行車環台認證書

今天收到 自行車新文化基金會 的 自行車環台認證書 了。
http://www.cycling-lifestyle.org.tw/Certify/article_content.php?articleid=63

自選相片一張。

咁多令我難忘嘅事情時刻，只得一張相又點得呢！

我是在 iPad 上用一個叫 My Photo Wall 嘅 App 整的。非常易用，值得推介 ！

蛙咖啡 環島 記念座

今天收到 蛙咖啡 精美的 環島記念座

 

第二十二天 基隆 🌊🚴 台北 [最後一天 基隆像迷宮 返回台北才是最危險]

Day 22

19/12/2013

基隆市 天氣預測14-16度 有雨 30%機會落雨

今日全程台2線貼住北海岸線經淡水直達關渡橋基本完成大環島！！

早上仍然有毛毛雨，經過昨日東北季候風嘅洗禮，同埋所餘無幾的體力，都擔心今日返唔返得到台北，仍然有今晩要停淡水嘅心理準備。

旅館包自助早餐

添的維C頂住先！

本來想九點出發，但結果都搞到成十點。

昨晚嘅酒店，一千七百八十，房間內裝修好靚，座樓其實好殘舊(成個基隆市中心其實都係)，酒店係喺座樓五至七樓。早餐(係八樓天台加建?)嘅時候見到嘅都係大陸同胞。

原來基隆好多街，包括大街如台2線，都係單方向行駛，真係好似迷宮咁，轉左幾轉，居然入左去街市(係天橋底下，連GPS signal 都收唔到)。

幾經辛苦，重要上上落落又入埋民居窄巷，搞到成大半個鐘先至搵得番台2線。已經滿頭大汗，真係未出發，先濕身！

上番台2線離開基隆，係要先翻過一段市內山路。可能又大半個鐘，就返到海邊。但又開始落雨了。又要停低着番便利雨衣。

到左萬里區，又有 去不去 的決擇。左邊玉田路去野柳但睇黎要上點斜坡。直去就是萬里隧道會bypass野柳。雖然1974嘅相有幾張係野柳影嘅，但係考慮到今日最重要嘅係最北點富貴閣，同天氣認真麻麻又濕又凍，加上最好今晚能完成環島回到台北(因已交了旅館錢)，所以作出左行程一個重要既不去決定。

出左萬里隧道居然又見到去野柳嘅路牌，睇睇地圖似乎係平路，又再考慮多次要不要去野柳。不過前面重有長長嘅北海岸公路等緊我，同諗起昨日嘅辛苦，都係同野柳嗰牌同遠景影張相算了。

離開隧道口一兩公里處就是核二廠路口，重有展覽館，唉，咁既天氣，算了，繼續踏吧…

http://travel.network.com.tw/tourguide/point/showpage/63.html

一直趕路雨又時停時有，所以都無乜影相。黎到茶山步道(http://www.northguan-nsa.gov.tw/user/Article.aspx?Lang=1&SNo=04002498)見到呢個路牌真係一定要停低影番張，原來真係有 Harry Potter 㗎 !  (之前睇基仔和阿奴嘅blog 都有提及http://bicycletraveltw.blogspot.hk/2012/11/day-28.html)

又見到大風車，但心情就大不同了。因表明前面肯定當風，真係心都涼埋 … 努力!

其實今日比昨日感覺安全得多，因已經好少車，更機乎完全無大車，所以都唔太辛苦。馬路狀況又很好，踏得非常放鬆。

已經去到相當北嘅地方，居然係海邊有間貨車屋coffee shop。真想停低飲杯熱嘢…

踏呀蹅，差啲miss 左呢個 石門洞 景點。好彩剛好有個日本人參觀完準備過馬路才提醒了我。

離富貴角已不到3km，但已經成一點鐘，雖然唔餓(其實係怕休息完出發更覺得凍)，又擔心前面可能乜都無，所以都係再黎個egg break. 又來個狼狽樣。

前面提過嘅捐發票箱。

再上路雨已停。好快就到了富貴角路口，遠眺已經見到燈塔了(正中的是不知雷達定天文觀測站，左一點的才是燈塔)。

估唔黎到台灣本島最北嘅地方重有村。原来叫 老梅。

咁嘅天氣黎到呢到真係鬼影都無。要離開馬路走小徑出去更海邊嘅地方都咪話唔驚。石板路又滑又唔平，真係好驚好驚爆呔！所以踏得好慢好慢，斜位一定落車推幾步。

小心翼翼終於到達富貴角燈塔！終於完成到達台灣四角嘅目標，心情都咪話唔激動！

八爪魚腳架自拍一輪，因大風又無支撐位所以相機只能放地下所以都係低抄。

突然有其他遊客出現立刻請佢幫忙影幾張。再見到其中位外籍男仕着住件 brand HK fleece，即刻相認大家都係香港黎。其實本地人又點會咁嘅天黎呀。亦可惜未能再遇最南點嗰位很好的台灣朋友來個最南最北大合照…

原本想行那幾位香港遊客來的方向走但原來係有梯級所以走回原本的來路。

入來的時候專心路面都無影相，回程時心情放鬆晒就記得補番啲大浪相。

回到原來的大路，其實再向前係有啲軍事設施。同埋左邊係去楓林漁港的(個幾位香港遊客就係由漁港餐廳走路出去燈塔的)。

離開富貴角亦同太平洋暫別，轉向南向淡水進發。風向亦轉了變回順風，立刻踏得舒服好多。中段同對面相反方向嘅單人環島車友打招呼。但心急想快點完成所以亦沒有過去傾談。就繼續出發了。 

再踏一會老覺得鞋套老頂到pannier bag。雖然心急趕路，但都再提醒自己要小心不要鬆械。揾個安全位停低睇睇。不得了原來成個尾架因雨水濕滑已經跌左落黎，好彩未有影響後輪。心想好彩發現得早，如果唔係假如嗰柱位嗰兩片膠墊片跌左嘅話就大件事，因無左佢地嘅話就一定鎖唔實個尾架。

搞定！

Hehe, 經過 聖約翰 又點可以唔影番張相呢。

剛好大學放學，亦係惡夢嘅開始。校門前泊滿機車，亦見好多同學仔攞車。

佢地都係向淡水方向行但就個個都飛咁快，過我又貼。真係比佢地嚇死，重恐怖過砂石車。

不過更恐怖重係後面。

之後又時雨時停，經過淡水段嘅台2線車又超多。Anyway, 有驚無險終於再次見到關渡橋。但原來miss左路口已經無法走上單車線(因右邊有火車軌)，要走機車道無法停車影相…

無法之下直接去蛙咖啡，一停低就請waitress幫我拍下這重要嘅一刻。基本上環島已經完美地連成完整嘅一個大圏！

停落黎就覺得凍喇。現場溫度計只有十四度。店員熱情地提議我可以使用佢地嘅沖涼設備，好吸引！但我重未正式完成返回里數零的起點－西門町。

熱啡調配時店員還貼心地先送上熱水一杯。好在他們有暖爐。

重有必須做的就是找回我的許願卡。嘻嘻，同出發時一樣，我的文化水平只有這樣了…

還有定做了蛙咖啡 漂亮的環台記念座。

到蛙咖啡這里已經1429km了，不過還未完…

再向台北市中心區進發踏上103線，不過可能已經是下班時間，路上車非常多，機車在身邊非快地駛過。

一直向西門町進發但天已黑。重遇上塞車，當然我就跟着其他機車左穿右插喇。完全唔敢影相。就算係停紅燈時，都總有機車在我旁邊攝上黎。

穿過蘆州和三重區，看地圖選擇轉入104線因看來走中興橋會更直接回到西門町。幸好對台灣道路系統已經有一定認識，否則可能會誤進台1甲線去了桃園。幾經轉折，終於找到又長又直的中興橋。但正因如此，橋上的機車似乎都是開得特別快！天又黑，感覺上這機車道好像特別窄的，踏呀踏好像不會完的似…相信有近百台機車在我旁邊飛越了。正如網上其他環島前輩所言，蘇花並不是最危險，我絕對同意市內機車羣才是最大的挑戰。

Anyway, 有驚無險，二十二天，1,444.9km，終於回到旅程的起點西門町。

今日單日83km。

其實原來我挑了的是個非常熱門的地點，我回到來的時候其實西門町地標前站滿了人羣，包括此幫高中生不知道在反什麼。我拍上面的完成照更要請原來在賣玩具的姐姐把手拉車移開！

回到旅館放下行李就立刻送單車到附近康定路已經預約的 輪飛KHS單車生活館 大修。可惜車店剛在大裝修，只能在旁邊同系的機車店交收。店主Anny非常熱情，單車大修後亦回復非常好的狀態。原來以為需要的零件更換似乎亦可以推遲。

八點多才晚飯在西門町旁找到此 鋤燒 放題煱。煱原來是個鋤頭狀的，非常特別。最利害的是在門口等待安排，當入座前火煱和肥牛已經準備好了。我一個人居然供應了三盤每盤都是雙層的肥牛！肉質亦相當之好！！連beer 盛為NT＄658。

今晩回到到台第一天的金國際，出發環島前已付款一千三百。找過西門町附近的旅館明天都要二千多，台北英雄館又已滿，幸好台北火車站對面的青年會飯店有房，就決定明天搬過去。

明天還要去基金會歸還GPS。

《今明兩天受大陸冷氣團影響，有零星降雨，氣溫偏低》

〔天氣回顧〕

昨（１８）日基隆地區為陰有雨的天氣，低溫13.5度，高溫15.9度，平均風最大達6級，最大陣風達8級；感覺偏冷。

＝今日預報＝

今（１９）日基隆地區白天為多雲短暫雨，降雨機率３０％，溫度１４－１６度，感覺偏冷到寒冷，不適宜戶外活動。提醒您，在外工作、訪友、逛街請添加衣物，注意保暖以免感冒；並隨身攜帶雨具備用。

＝基隆私房景點及活動＝

◎基隆砲台群：[大武崙]－情人湖、[白米甕]－太白莊、[獅球嶺]－大業隧道、[二沙灣]－海門天險、[頂石閣]、[槓子寮]－海大後山。

◎基隆港黃色小鴨：地點－海洋廣場及部份港區；時間－102.12.21~103.2月初；腹地有限，外地遊客請搭乘火車。

更新時間:12/19 05:44